जनकपुरधाम, फागुन ११ गते । धनुषाको बटेश्वर गाउँपालिकास्थित एक सामुदायिक विद्यालयमा गठन गरिएको बाल क्लब समूहले सडक नाटक प्रस्तुत गरेका छन् ।
बुधबार धनुषा जिल्लाको बटेश्वर गाउँपालिकास्थित शिवशक्ति माध्यमिक विद्यालयका बाल क्लबका भाई बहिनीले स्थानीय समुदायलाई सचेत पार्दै जिम्मेवार निकायलाई जवाफदेही बनाउने उदेश्यले सडक नाटक प्रस्तु गरेका हुन् ।
मानव अधिकार शिक्षा कार्यक्रम अन्तर्गत उक्त कार्यक्रम बाल अधिकार समूह बटेश्वरको आयोजना तथा अनौपचारिक क्षेत्र सेवा केन्द्र (इन्सेक) मधेश प्रदेशको सहआयोजनमा
“बालविवाहले निम्ताएको समस्या“ नामक नाटक प्रस्तुत गरिएको हो ।
समुदायमा दाइजो प्रथा यथावतै रहेको कारणले छोरी लाई चाडै विवाह गर्ने र छोरीलाई संसार देख्नबाट वञ्चित गर्ने नियतले भ्रुण हत्या जस्ता क्रियाकलाप हाम्रो समुदायमा यथावत रहेको कुरा उक्त नाटक मार्फत दर्साउन खोजिएको छ । छोरा जन्मिए स्विकार गर्ने र तामझामका साथ स्वागत गनेर्, किनकि छोराले बिहेमा दाइजो लिएर घर भर्ने गर्छन् तर, छोरी जन्मिने खबरले आमाको कोखमै बच्चा मार्ने प्रयास भइरहेकोले यस प्रति सचेत हुन आम जनसमुदायलाई नाटक मार्फत् सन्देश दिन खोजिएको हो ।
नाटकको मुख्य सन्देश महिला सशक्तिकरण र बालविवाहले निम्ताएको समस्या बारे रहेको छ ।
बाल क्लवका अध्यक्ष उमा कुमारी महतो द्वारा लिखित नाटक प्रदर्शन कार्यक्रममा शिवशक्ति माध्यमिक विद्यालय बटेश्वरका प्रधानाध्यापक प्रमोदशरण केवट, इन्सेकका धनुषा जिल्ला सहजकर्ता अनिता यादव , शिव शक्ति माविका बटेश्वरका शिक्षक–शिक्षिका,बाल क्लबका प्रतिनिधिहरुसहित विद्यार्थीहरुको उपस्थिति रहेको थियो ।
तपाईको प्रतिक्रिया