नेपाली कांग्रेस मधेश प्रदेश पदाधिकारी बैठक जनकपुरधाममा सम्पन्न

जनकपुरधाम, साउन १९ गते ।
नेपाली कांग्रेस मधेश प्रदेश कार्यसमितिको पदाधिकारी बैठक सोमबार पार्टीको प्रदेश कार्यालय जनकपुरधाममा सम्पन्न भएको छ ।
बैठकमा मधेश प्रदेश कार्यसमितिका पदाधिकारीहरू, विभिन्न जिल्लाका सभापति तथा उपसभापति, साथै प्रशिक्षण विभागका पदाधिकारी र सदस्यहरूको उपस्थिति रहेको थियो ।
बैठकमा संगठन सुदृढीकरण, आगामी गतिविधि योजना, प्रशिक्षण कार्यक्रमको प्रभावकारिता, स्थानीयस्तरमा पार्टीको भूमिका र समसामयिक राजनीतिक अवस्था लगायतका विषयमा छलफल भएको जनाइएको छ ।
पार्टीको आन्तरिक सुदृढीकरण, नेतृत्वदायी भूमिकाको सशक्तता र संगठनात्मक कार्यशैलीलाई अझ प्रभावकारी बनाउन जिल्लास्तरिय प्रशिक्षण कार्यक्रम सञ्चालन सम्बन्धि उक्त बैठकमा छलफल भएको कांग्रेस मधेश प्रदेशका प्रमुख सचिव सन्तु यादवले जानकारी दिनुभयो ।
बैठकको अध्यक्षता कांग्रेस मधेशका सभापति कृष्णप्रसाद यादवले गर्नुभएका थियो भने सो बैठकमा प्रदेशका आठवटै जिल्लाका सभापति, प्रशिक्षण विभागका पदाधिकारीहरुको उपस्थिति रहेको थियो ।