प्रचार प्रसारको अन्तिम दिन जुलीको जनकपुरधाम बजारमा घरदैलो

फागुन २१ गते हुने प्रतिनिधिसभाको निर्वाचनमा उम्मेदवारहरुले प्रचार प्रसारको अन्तिम दिन पूरै उर्जा झोकेर आफ्नो प्रचार गरेका छन् ।

यसै क्रममा एमालेबाट धनुषा ३मा उम्मेदवार रहेकी जुलीकुमारी महतोले समेत आफ्नो चुनावी प्रचार प्रसारको अन्तिम दिन जनकपुरधाम नगरमा घरदैलो गरेकी छिन् । घर घरमा पुग्नुका साथै व्यापारिक प्रतिष्ठानमा पुगेर समेत जुलीले आफ्नो पक्षमा मत मागेकी हुन् ।

घरदैलोको क्रममा जुलीलाई स्थानीयले समेत भव्य स्वागत गरेका थिए । स्थानीयको अगाध स्नेह देखेर आफ्नो जीत सुनिश्चित लागिरहेको जुलीले दावी गरिन् ।