असार ११ देखि बेपत्ता युवतीको शव जंगलमा

चितवनबाट गत असार ११ गतेदेखि बेपत्ता सुजाता भण्डारीको शव भेटिएको छ । राप्ती नगरपालिकाको ब्रह्मस्थानी सामुदायिक वनमा भण्डारीको शव भेटिएको हो ।

जंगलमा च्याउन टिप्न गएका स्थानीयहरूले शव देखेपछि प्रहरीलाई खबर गरेका थिए । वनको बीचमा एउटा झ्याङमा अड्किएको अवस्थामा उनको आइतबार साँझ शव फेला परेको थियो । भण्डारीको अपहरण भएको भन्दै प्रहरीमा उजुरी परेको र अन्तिम पटक भण्डारीले दिदीलाई फोन गरेर आफूलाई तीन जनाको समूहले अपहरण गरेको बताएकी परिवारले जनाएको छ ।

परिवारका सदस्य सुजिताको नै शव हो भनी पहिचान गरेको र थप अनुसन्धान भइरहेको जिल्ला प्रहरी कार्यालय चितवनका प्रहरी प्रवक्ता प्रहरी नायव उपरीक्षक सूर्यबहादुर थापाले जानकारी दिनु भयो । युवतीको शव परिवारले हिजो बेलुका नै हो भनेको र अहिले पनि प्रहरी घटनास्थलमै रहेको रघटनाको विषयमा थप अनुसन्धान गरिरहेको उहाँको भनाइ छ ।

भण्डारी असार ११ गते विहान ६ बजे साथीको घर जाने भनेर हिँडेकी र सोही दिनदेखि बेपत्ता भएकी प्रहरीस्ले जनाएको छ ।