महोत्तरीकी सुजिता ठाकुर हत्या प्रकरणमा बुबा र दवर पूर्वपक्षका लागि जेल चलान भएका छन् भने अन्य पाँचजना भने धरौटीमा रिहा भएका छन् ।
मंगलबार महोत्तरी जिल्ला अदातलको आदेशमा सुजिताकी देवर लोहारपट्टी नगरपालिका ७ भ्रमरपुराका २९ वर्षीय रूपेश ठाकुर र बुवा पिपारा गाउँपालिका ६ रतौलीका ५० वर्षीय कामेश्वर पाण्डे पुर्पक्षका लागि जेल चलान भएका हुन् । न्यायाधीश मुकेशकुमार उपाध्यायको इजलासले दुबैजनालाई जेल चलान गरिएको छ । यस्तै घटना र शव लुकाउन सहयोग गरेको अभियोग लागेका जनकपुरधाम उपमहानगरपालिका–१४ कुटीपोखरी बसहिया बस्ने ५५ वर्षीय प्रमोद भनिने विनोद मण्डल, लोहरपट्टी–७ भ्रमरपुरा बस्ने ३७ वर्षीय बण्ठा भन्ने किशोरी मण्डल, ३३ वर्षीय मुल्ला भनिने आदम राइन र ३२ वर्षीय नथुनी मण्डललाई जनहरी एक एक लाख रुपैयाँ धरौटीमा रिहा गरिएको अदालतले जनाएको छ ।
यस्तै घटना लुकाउने अभियोग लागेका सुजिताकी नन्द महोत्तरीकै भंगहा नगरपालिका १ कविलासाकी ३५ वर्षीया अन्जु ठाकुरलाई १० हजार धरौटीमा रिहा भएकी छन् । घटनाको दुई महिना वित्दा समेत सुजिताकी ससुरा पतिराम ठाकुर, सासू रामसखी ठाकुर र देवरानी रुपेशकी श्रीमती रोमा ठाकुर अझै फरार छन् । गएको जेठ २० गते हत्या देवर रुपेशबाट हत्या भएको सुजिताको शव घर नजिकै महोत्तरीको लोहारपट्टी नगरपालिका ७ स्थित चिरान मिलको छेमा रहेको शौचालयमा गाडेर माथिबाट प्लास्टर गरेको अवस्थामा असरा २७ गते फेला परेको थियो । त्यसअघि असार १४ गते पतिरामकै खेतामा गाडेको अवस्थामा सुजिताको शवको अवशेष फेला परेको थियो । प्रहरीको अनुसन्धानमा पहिले खेतामा गाडेको शव पछि शौचालयको सेफ्टी टयांकीमा लुकाएका थिए ।
प्रहरीका अनुसार घरायसी विवादमा देवर रुपेशले घाँटी थिचेर हत्या गरेका थिए भने अन्य व्यक्तिहरुले घटना लुकाउन र शव लुकाउन सहयोग गरेका थिए । सुजिताका बुबाले भने छोरीलाई मार्न पटक पटक देवर रुपेशलाई दबाब दिएको र हत्यापछि पैसाको बार्गेनिंग गरको प्रहरीको भनाइ छ ।
तपाईको प्रतिक्रिया