धनुषाको गणेशमान चारनाथ नगरपालिकामा बाख्रा चराउन गएकी १५ वर्षीया एक बालिकालाई जबरजस्ती करणी गरिएको घटना ३ दिन पछि बाहिरिएको छ ।
भदौ १५ गते सोमबार बिहान ९ बजे घरबाट करिव एक किलोमिटरको दूरीमा रहेको फूलबारी भन्ने स्थानमा आँपको बगैचामा चारजना साथीहरुसँग बाख्रा चराउन गएकी बालिकालाई जबरजस्ती करणी गरिएको थियो । बाख्रा चराउने क्रममा अचानक ती बालिकाको कान दुख्न थालेपछि अन्य साथीहरुलाई त्यहिं छोडेर घर फर्किने क्रममा पछाडीबाट मास्क लगाएर गएका एक युवकले ती बालिकालाई करिब २ सय मिटर टाढा झाडीमा लगेर जबरजस्ती करणी गरेको बालिकाको बयानलाई उद्धृत गर्दै ईलाका प्रहरी कार्यालय ढल्केवरका इन्चार्ज प्रहरी निरिक्षक तिर्थ बहादुर कार्कीले जानकारी दिए ।
इन्सपेक्टर कार्कीले भने,‘ति बालिका घर जाने क्रममा बाटोमा अन्य दुईजना युवकले उनीसँग बोलेका थिए । उनीहरु गईसकेपछि अर्का एकजना युवकले त्यसको केही समय पछि नै पछाडीबाट उनलाई जबरजस्ती तानेर झाडीमा लगी जबरजस्ती करणी गरेका थिए ।’
पीडित पक्षले घटनाबारे ईलाका प्रहरी कार्यालय ढल्केवरलाई जानकारी गराएपछि प्रहरीले घटनामा संलग्न हुनसक्ने आशंकामा बुधबार २ जना र बिहीबार बिहान एक जना गरि ३ जना युवकलाई नियन्त्रणमा लिई अनुसन्धान गरिरहेको प्रहरीले जनाएको छ ।
तपाईको प्रतिक्रिया