शनिबार बेलुकी करिब ८ः३० बजे सिरहामा भएको मोटरसाईकल दुर्घटनाका थप एक जनाको मृत्यू भएको छ ।
बेलुकी ८ः३० बजेतर्फ सिरहाको नरहा गाउँपालिका वडा नं। ५ बलबा टोल नजिकै चोहरबादेखि सिरहा जाने बाटोमा मोटरसाईकल दुर्घटना हुँदा एक जनाको घटनास्थलमै मृत्यू भएको थियो भने थप एक जना सिरहाको भूमिजा अस्पतालमा उपचारको लागि लग्दा चिकित्सकले मृत घोषित गरेको हो ।
दुर्घटनामा गम्भिर घाईते भएका दुईजनामध्ये एक जनालाई भूमिजा हस्पिटल लैजाँदै गर्दा एम्बुलेन्समै बाटोमै मृत्यू भएको जनाइएको छ । अस्पताल लग्दा त्यहाँ चिकित्सकले मृत्यू भईसकेको भनेर जवाफ दिएको थियो । सोही दुर्घटनाका अर्का गम्भिर घाईते युवकलाई उपचारको लागि लहान सरकारी अस्पताल लगिएको जनाइएको छ । भूमिजा हस्पिटलले उपचार सम्भवन नहुने बताएपछि उनलाई उपचारको लागि लहान लगिएको जनाइएको छ । उनको पनि अवस्था गम्भिर रहेको जनाइएको छ । यससँगै सो दुर्घटनामा मृत्यू हुनेको सँख्या २ पुगेको छ । अहिलेसम्म मृतकहरुको नाम, ठेगान भने खुल्न सकेको छैनन् । सडक छेउमा ईटा लोड गरी बिग्रीएर रोकि राखिएको ट्रयाक्टरमा तीव ग्रतिमा चलाएको मोटरसाईकलले ठक्कर दिएपछि दुर्घटना भएको प्रत्यक्षदर्शीहरुले जनाएका छन् । सडकमा स १ त ५५६४ नम्बरको टरयाक्टर रोकिराखेको थियो ।
यसबारे थप विवरण आउन बाँकी छ ।
तपाईको प्रतिक्रिया