धनुषाको कमला नगरपालिकामा मोटरसाईकलको ठक्करबाट एकजनाको ज्यान गएको छ भने एकजना गम्भीर घाइते भएका छन् । ज्यान जानेमा कमला नगरपालिका २ माचिझिटकैयाका ५६ वर्षीय गोपाल यादवको रहेको इलाका प्रहरी कार्यालय खजुरीले जनाएको छ ।
हुलाकी राजमार्ग अन्तर्गत धनुषाको कमला नगरपालिका २ माचिझिटकैयामा आइतबार साँझ पश्चिमबाट पूर्व तर्फ गइरहेको प्रदेश–२–०२–००१ त ३१२६ नम्बरको मोटरसाईकलले ठक्कर दिँदा यादवको घटनास्थलमै मृत्यु भएको हो । यादव मेला हेरेर घर फर्किदै फर्किरहेका थिए । ठक्करदिने मोटरसाईकल र चालक भने फरार भएका छन् । तर मोटरसाइकलमा पछाडि सवार अन्दाजी ४५ वर्षीय सुजित मण्डल समेत गम्भिर घाइते भएका छन् ।
नम्बर प्लेट घटनास्थलमा भाँचिएर खसेपछि चालकको पहिचान खुलेको छ । मोटरसार्ईकल र चालकको खोजतलास भइरहेको र मृतकको शवलाई पोस्टमार्टमका लागि प्रादेशिक अस्पताल जनकपुर पठाइएको प्रहरीले जनाएको छ ।
तपाईको प्रतिक्रिया