फागुन २२, ताप्लेजुङ । निर्माणाधीन मध्य तमोर जलविद्युत आयोजनाको सुरुङ भित्र दुई जना मजदुरको मृत्यु भएको छ ।
सुरुङ खन्ने क्रममा ढुङगा लागेर शनिबार दिउँसो दुई मजदुरको मृत्यु भएको हो । आयोजनाका जनसम्पर्क अधिकृत करण गौतमले उदयपुर घर भएका २२ वर्षका अमर बिश्वकर्मा र भोजपुर घर भएका सन्तोष बानियाँको मृत्यु भएको हो ।
आयोजनाका भूगर्भविद् सूर्य लिम्बुका अनुसार सुरुङ खनेर जाँदा सर्पोट लगाउनु पर्छ । त्यो लगाउने माथिबाट लडेको ढुङगाले लागेर दुई जनाको ज्यान गएको हो सुरुङभित्र पसेका अरु सकुशल रहेको लिम्बुले बताए ।
मिक्वाखोला गाउँपालिका-२ खोक्लिङको थुम्वाबाट फक्ताङलुङ गाउँपालिका-१ सावादिनतर्फ सुरुङ खन्नेक्रममा दुर्घटना भएको जनसम्पर्क अधिकृत गौतमले जानकारी दिए । आउटलेट टर्नेलबाट हेडबक्स तर्फ १३ सय ९७ मिटर सुरुङ निर्माण भएको छ । त्यहीँ पुग्दा दुईजना दुर्घटनामा परेको लिम्बुले बताए ।
७३ मेगावाट क्षमताको यो आयोजना २०७४ सालबाट निर्माण सुरु भएको छ । २०७८ मा निर्माण सम्पन्न हुने आयोजनाको सुरुङमार्ग ३ हजार ३ सय ६७ मिटर निर्माण गर्नुपर्ने छ । सो आयोजनामा सानिमा मिडिल तमोर हाइड्रोपावर लिमिटेड कम्पनीले निर्माणको जिम्मा पाएको छ ।
तपाईको प्रतिक्रिया