जनकपुरधाम, चैत ७ गते । मधेश स्वास्थ्य विज्ञान प्रतिष्ठानका रजिष्टार प्राध्यापक डा. विनोदकुमार यादवले प्रादेशिक अस्पताल जनकपुरधामको स्वामित्व फेरिसँगै अवस्था पनि फेरिएको दावी गर्नुभयो ।
सोमबार प्रादेशिक अस्पताल जनकपुरधाममा आयोजित मेडिकल सामग्री हस्तान्तरण तथा सम्मान कार्यक्रमको अवसरमा डा. यादवले अस्पतालको फोहोर व्यवस्थापनमा दुई महिनाको कडा मेहनतपछि अस्पतालमा सुधार आएको दावी गर्नुभएको हो । उहाँले असम्भव कुनै काम नरहेको भन्नुहुँदै अस्पतालको फोहोर व्यवस्थपनमा सफाई कर्मचारीहरुको ठूलो योगदान रहेको उल्लेख गर्नुभयो ।
डा. यादवले दुई महिनामा सुधार हुन्छ भने आगामी दिनमा पनि अवश्य सुधार गर्न सकिने बताउनुहुँदै अस्पताल बाहिरका फोहोर व्यवस्थापनमा जनकपुरधाम उपमहानगरपालिकालेले ध्यानदिनुपर्ने बताउनुभयो । अस्पताललाई स्वस्थ बनाउन सफाईकर्मी मात्र नभएर सबैजनालाई साथ दिन आग्रह गर्नुभयो । उहाँले अस्पतालको स्वामित्व मात्र हैन अब अवस्था पनि फेरिएको छ,‘भन्नुभयो ।, जुन स्थानमा सेवाग्रही उभिन पनि चाहदैन थिए त्यस स्थानमा खाना खान मिल्ने बनाएको बताउनुभयो ।
उहाँले काम नगर्ने तथा लापरवाही गर्ने कर्मचारीलाई कारवाही गरिने बताउनुभयो । चाहे त्यो जुनसुकै विभागको किन नहोस कारवाही सबैलाई हुन्छ, भन्नुभयो । गत दुई महिनामा प्रादेशिक अस्पतालको फोहोर व्यवस्थापन गर्न सकिन्छ भने आगामी दिनमा पनि सकिने बताउनुभयो ।
फोहर मैला व्यवस्थापनका लागि केन्द्र स्थापना भइसकेको जानकारी दिँदै उहाँले संघीय सरकारले छिट्टै सोको लागि भवन निर्माण प्रक्रिया अगाडि बढाउने बताउनुभयो ।
प्रादेशिक अस्पताल जनकपुरधामको फोहोर व्यवस्थापनमा सुधार भएको देख्दा यंयुक्त राष्ट्र विकास कार्यक्रत्रम (यूएनडीपी)का कार्यक्रम संयोजक राजेश बर्माले काठमाडौंस्थित आर्मी अस्पताल, त्रिभुवन शैक्षिक अस्पतालको उदाहरण दिनुहुँदै जनकपुरमा पनि असम्भव नरहेको बताउनुभयो । संयोजक बर्माको उपस्थितिमा युएनडीपीको तर्फबाट अस्पताललाई ११ लाख रुपियाँ बराबरको मेडिकल सामग्रीहरु हस्तान्तरण गरिएको छ । सामग्रीहरुमा वटर प्युरिफायर, मेडिकल ट्रलीललगायतको सफाइमा उपयोगी सामग्रीहरु रहेका छन् ।
सामग्री हस्तान्तरण गर्ने क्रममा अस्पतालका १० जना उत्कृष्ट सफाई कर्मचारीलाई सम्मान स्वरुप झोला, डायरी, सेनिटाइजरलगायत विभिन्न सामग्रीहरु पनि प्रदान गरिएको छ । आगामी दिनमा राम्रो काम गर्ने अन्य कर्मचारीलाई पनि प्रोत्साहीत गर्ने अस्पतालले जनाएको छ ।
मधेश स्वास्थ्य विज्ञान प्रतिष्ठान अन्तर्गत रहेको प्रादेशिक अस्पतालको बिग्रीँदो अवस्थाको बारेमा चारैतिर चर्चा भइरहेको ठूलो चुनौतीको रुपमा रहेको अस्पतालको फोहोर व्यवस्थापनलाई दुई महिनाभित्र व्यवस्थित गरेर ठूलो उपलब्धि हाँसिल गरेको अस्पताल प्रशासनले जनाएको छ ।
अस्पतालको आफ्नै स्वास्थ्यजन्य फोहोरमैला व्यवस्थापन केन्द्र समेत रहेको छ भने महिनामा फोहोरबाट अस्पतालले ८÷१० हजार रुपियाँको आम्दानी समेत हुन थालेको अस्पतालले जनाएको छ ।
तपाईको प्रतिक्रिया