जनकपुरधाम, वैशाख १८ गते । जनकपुरधाममा आइतबार राति एक प्रहरीकै घरमा डकैति भएको छ ।
जनकपुरधाम उपमहानगरपालिका वडा नम्बर–८ मौनीवावाको आश्रम जाने एरियामा प्रहरी बरिष्ठ हवल्दार निरजकुमार साहको घरमा डकैति भएको हो ।
प्रादेशिक अस्पतालको डिउटीमा रहेका प्रहरी बरिष्ठ हवल्दार साहको घरको छतबाट सिढीको घर हुँदै कोठामा प्रवेश गरेका डाँकाहरुले लाखौंको धनमाल लुटेर लगेका छन् ।
आइतबार राति करिब साढे १ बजेको समयमा डाँकाहरुको एक समूह प्रहरी बरिष्ठ हवल्दार साहको घरमा लुटपाट गर्नुका साथै भाटा प्रहार गरेर साहलाई गम्भिर घाइतेसमेत बनाएका छन् ।
यस घटनापछि सो क्षेत्रका सर्वसाधारण त्रसित बनेका छन् । विगत केही दिन यता जनकपुरधाममा चोरी डकैतिको घटनामा बृद्धि भएको देखिन्छ ।
तपाईको प्रतिक्रिया