जनकपुरधाम, साउन १६ गते ।
लैङ्गिक हिंसा प्रभावितका लागि न्याय पाउन सहज र सहयोगी वातावरण नहुँदा थप सास्ती भोग्नु परेको गुनासो एक कार्यक्रमका सहभागीहरूले गरेका छन्।
जनकपुरधाममा मंगलबारदेखि बिहीबारसम्म तीन दिन सञ्चालन भएको किशोरी तथा युवतीका लागि सुरक्षित एवं सहयोगी वातावरण निर्माणसम्बन्धी अन्तरनिकाय लैङ्गिक घटना व्यवस्थापनसम्बन्धीु प्रदेशस्तरीय तालिमका क्रममा सहभागीहरूले यस्तो धारणा व्यक्त राखेका हुन् ।
तालिममा सहभागी महिला बालबालिका शाखाकी फोकल पर्सन जुनैदा खातुनले आफूले तालिममा सिकेका कुराले लैङ्गिक हिंसा सम्बन्धी घटना व्यवस्थापनमा सहजता ल्याउने विश्वास व्यक्त गर्नुभयो। म महिलासँग प्रत्यक्ष रूपमा काम गर्छु, यस्तो तालिम निकै उपयोगी हुन्छ, उहाँले भन्नुभयो।ु
यस्तै, सहभागी दिपीका कार्कीले हिंसा पीडितले उचित परामर्श नपाउँदा अझ बढी मानसिक पीडा भोग्नुपर्ने अवस्था आउने बताउनुभयो। तालिममा परामर्शसम्बन्धी पाइएको ज्ञानले अब घटना व्यवस्थापनमा थप सहजता ल्याउँछ, उहाँले भन्नुभयो ।
ग्रामिण विकास केन्द्र नेपालका अध्यक्ष डा। पारस हुसेनले तालिमले लैङ्गिक हिंसाका घटना व्यवस्थापन तथा न्यूनीकरणमा महत्वपूर्ण भूमिका निर्वाह गर्ने विश्वास व्यक्त गर्नुभ्यो। “यस्ता घटनामा रिपोर्टिङमै समस्या छ, तालिमले रिपोर्टिङ प्रक्रियालाई सहज बनाउँदै न्यायको पहुँच बढाउन सहयोग पुर्याउनेछ,” उहाँले बताउनुभयो।
उक्त तालिम गुड नेवर्स इन्टरनेशनल नेपाल र ग्रामिण विकास केन्द्र नेपालको संयोजनमा, कोरियन अन्तर्राष्ट्रिय सहयोग संस्था तथा संयुक्त राष्ट्रसंघीय जनसंख्या कोष ९युएनफपिए० को सहयोगमा आयोजना गरिएको हो।
कार्यक्रममा मधेश प्रदेशका विभिन्न जिल्लाका स्थानीय तहका प्रतिनिधिहरू, महिला फोकल पर्सनहरू, युवती तथा सरोकारवाला निकायका प्रतिनिधिहरूको सहभागीता रहेको थियो।
यस्तै युएनफपिएका मधेश प्रदेश प्रमुख डा। नरेन्द्र मिश्र, प्रदेश स्वास्थ तालिम केन्द्रका निर्देशक डा। राजिव झा, गुड नेवर्सका प्रादेशिक संयोजक संजिव कुमारलगायतको उपस्थिती रहेको थियो ।
तपाईको प्रतिक्रिया