जनकपुरधामस्थित प्रसिद्ध शक्तिपीठ राजदेवी मन्दिरमा यसवर्ष ८ हजार ८ सय ६६ बोका बलि दिइएको छ ।
प्रशासनको सहमतिमा शनिबार साँझ ७ बजेदेखि हुँदै आएको बोका बलि राति साढे ११ बजेसम्म चलेको थियोे । कोरोना महामारीका कारण केही दिन अगाडि जिल्ला प्रशासन कार्यालय धनुषाले जिल्लामा बोका बलि नहुने भन्दै सूचना समेत जारी गरेकोमा पछि प्रशासनकै सहमतिमा बलि प्रथालाई निरन्तरता दिइएको महावीर युवा कमिटीले जनाएको छ । श्रद्धालुले कोरोना महामारीकाबीच प्रशासनले जिल्लाभर बलि नचढ्ने सूचना जारी गरेकोले यसवर्ष बोका बलि हुन्छ कि हुँदैन भन्ने अन्योलताका कारण अन्तिम समयमा आएर भएको बोका बलिले अन्य वर्षको तुलनामा यो वर्ष कमि आएको महावीर युवा कमिटीका अध्यक्ष सन्तोष साहले बताए ।
कमिटीले टाउको वापतको रसिद विधिवत रुपमा नकाटेपनि टाउको वापत दुई सय रुपैयाँ तोकेको थियो । गत वर्ष १४ हजार ६ सय ३३ वटा बोका बलि प्रदान गरिएको थियो ।
तपाईको प्रतिक्रिया