संघिय सरकारका संस्कृती, पर्यटन तथा नागरिक उडयन मन्त्री योगेश भट्टराईले नवनिर्मित आधुनिक टर्मिनल भवनको समुदघाटन गरेका छन् । प्रतिनिधीसभा सदस्य राजेन्द्र महतो, जुली महतो तथा प्रदेशका उद्योग, पर्यटन तथा वातावरण मन्त्री रामनरेश राय सहितको उपस्थितीमा ट्रमिनल भवनको समुदघाटन गर्दै मन्त्री भट्टराईले प्रदेश २ सरकार र संघिय सरकार बिच कुनै पनि बिबाद नरहेको स्पष्ट संकेत दिने मुख्य उदाहरण नै यो टर्मिनल भवन रहेको बताए । सात प्रदेश मध्ये संघिय सरकारको सवै भन्दा राम्रो सम्बन्ध प्रदेश २ संग नै रहेको उनको तर्क थियो ।
जनकपुरधामलाई धार्मिक पर्यटनको केन्द्रका रुपमा विकास गर्न पनि यस विमानस्थललाई क्षेत्रीय अन्तराष्ट्रिय विमानस्थलका रुपमा विकास गरिने मन्त्री भट्टराइले बताए । साथै जनकपुरधामलाई पोखरा विमानस्थल संग जोडेर तराई पहाड हिमालको धार्मिक पर्यटनसंगको केनेक्टिभिटीका लागि समेत संघिय सरकार प्रतिवद रहेको उनले बताए । संघिय सांसद राजेन्द्र महतोले जनकपुर विमानस्थल नभई जनकपुरधाम विमान स्थल नामांकरण गरिनुपर्ने बताए ।
मन्त्री परिषदकै वैठकवाट जनकपुरको नाम जनकपुरधाम पारित भइसकेकाले विमान स्थलको नाम समेत सोहि अनुरुप हुनुपर्ने उनको जिकिर थियो । कार्यक्रममा उपस्थित अर्का संघिय सांसद जुली महतोले पनि जनकपुरधाम विमान स्थल नाम राख्नु पर्ने बताइन । प्रदेशका उद्योग, पर्यटन तथा वातावरण मन्त्री रामनरेश रायले सहयोगका लागि संघिय सरकारलाई धन्यवाद ज्ञापन गरे । प्रदेश सांसद परमेश्वर साह, सत्रुधन महतो, जनकपुरधाम उपमहानगरपालिकाका प्रमुख लालकिशोर साह, संघिय मन्त्रालयका सचिव यादव प्रसाद कोइराला सहितका वक्ताले नयाँ टर्मिनल भवनले जनकपुरधाममा विशेषण थपिएको बताए ।
करिव ५३ वर्ष पुरानो पुरानो ट्रमिनल भवन विस्थापित गरिदै आठ वर्षको निर्माण कार्य पश्चात यो ट्रमिनल भवनको समुदघाटन गरिएको छ । जनकपुरलाई क्षेत्रीय विमानस्थलको रूपमा विकास गर्ने परिकल्पनाअनुसार नयाँ टर्मिनल भवनमा नेपालमै पहिलो पटक नयाँ प्रविधिको प्रयोग गरिएको पनि विमानस्थलले जनाएको छ । जनकपुर विमानस्थलमा धावन मार्ग र पार्किङ स्थल फराकिलो बनाइएको छ भने वारुण यन्त्र र एक्सरे मेसिनसहितका संरचना पनि थपिएको छ ।
तपाईको प्रतिक्रिया