सर्लाही,५पुस । सर्लाहीको ईश्वरपुर नगरपालिकामा ग्रामीण नारी उत्थान संघ हरिपुरको समाजिक लेखा परीक्षण कार्यक्रम सम्पन्न भएको छ ।ग्रामीण नारी उत्थान संघ हरिपुरको आयोजना तथा संस्थाकी अध्यक्ष गोमा देवी न्यौपानेको अध्यक्षतामा सम्पन्न कार्यक्रममा एक वर्ष भित्र आम्दानी खर्चको विवरण सार्वजनिक, कार्यक्रम प्रतिको सुझाव संकलन,भौतिक संरचना निर्माण तथा मर्मत संभार कार्य, आ.व.०७६÷७७ मा संस्थागत तहबाट गरिएको गतिविधिहरु,बाल संवेदनशिल जिविकोपार्जन कार्यक्रम लगायत संघले गरेको विभिन्न कार्यको समाजिक लेखा परीक्षण गरिएको हो । आ.व.०७६÷७७ मा ग्रामिण नारी उत्थान संघले ३ करोड ३२ लाख,९८ हजार, ३ सय ३७ रुपैया ७८ पैसा बराबरको विभिन्न क्रियाकलाप गरी शनिवार समाजिक लेखा परिक्षण गरेको संस्थाको उपाध्यक्ष विष्णु चालिसेले जानकारी दिए । त्यस्तै संघले कोरोना भाइरस सम्बन्धि विभिन्न क्रियाकलापमा ६२ लाख ७१ हजार ७ सय ५२ रुपैया खर्च गरेको उपाध्यक्ष चालिसेले बताए ।
समाजिक लेखा परीक्षण कार्यक्रममा प्रमुख अतिथि ईश्वरपुर नगरपालिकाका नगर प्रमुख मनोज देवकोटा,विशिष्ट अतिथि उपप्रमुख एकाबती देवी चौधरी, अतिथिहरु ग्रामीण नारी उत्थान संघका प्रतिनिधिहरु,ईश्वरपुर नगरपालिकाका १५ वटै वडाका वडा अध्यक्षहरु,बाल क्लबका प्रतिनिधि,पत्रकार लगायत विभिन्न व्यक्तिहरुको उपस्थिति रहेको थियो । ग्रामिण नारी उत्थान संघ गैर नाफामुलक समाजीक विकास उन्मुख संस्था हो । ग्रामिण नारी उत्थान संघले २०५० साल देखि नै गरीब, महिला,फरक क्षमता भएका व्यक्ति, बाल बालिका र बैदेशिक रोजगारमा लागेका यूवाहरुका लागि समेत सचेतना, आयमुलक, सिपमुलक, क्षमता विकास, सरसफाई, भौतिक पूर्वाधार निर्माण लैगिंक शिक्षा, प्राथमिक शिक्षा जस्ता कार्यक्रम संचालन गरी समाजीक रुपान्तरण गर्दै आएको छ ।
तपाईको प्रतिक्रिया