मृतक इन्जियर गोइतको दाईलाई जागिर

जनकपुरधाम, माघ २
मेलम्चि खानेपानी परियोजनामा कार्यरत रहेको अवस्थामा निधन भएको इन्जिनियर सतिस गोइतका दाई आशिस गोइतलाई जागिर दिइएको छ । मेलम्चि खानेपानी परियोजनामा कन्ट्रेक्टरको तर्फवाट कार्यरत्त मृतक इन्जिनियर गोइतको निधन भए लगतै आन्दोलनरत्त इन्जिनियरहरुले उनको परिवारवाट एकजनालाई जागिर दिनुपर्ने लगायतका माग राख्दै आन्दोलित भएका थिए । आन्दोलनरत्त इन्जिनियरहरु र खानेपानी मन्त्रालय विच भएको पाँच वुन्दे सहमति अनुसार उनको दाईलाई जागिर दिइएको हो । प्रोग्रेसिभ इन्जिनियर एसोसिएसन नेपाल प्रदेश नम्वर २ का इन्चार्ज रामएकवाल यादव र अध्यक्ष इन्जिनियर सागर चौधरी लगायत धनुषा अध्यक्ष इन्जिनियर राजेशकुमार महतो र इन्जिनियर राकेश साह, संजय यादव लगायत संघीय खानेपानी कार्यालय प्रमुख इन्जिनियर राजेश कुशवाहा, मन्त्रालयका सचिव माधव वेलवासले संयुक्त रुपमा मृतक इन्जिनियर गोइतका दाजुलाई नियुक्तीपत्र प्रदान गरेका छन् । मृतक इन्जिनियर गोइतका परिवारले प्रोग्रेसिभ इन्जिनियर एसोसिएसनलाई धन्यवाद ज्ञापन गरेका थिए। नियुक्तिपत्र पाएका गोइत माघ १ गतेवाट कार्यालयमा कार्य गर्न थालेका इन्जिनियर रामएकवाल यादवले जानकारी दिएका छन् । कर छली गर्ने अग्रवाल खुलेयाम घुम्दै, नियमनकर्ता निकाय मौन जनकपुरधाम, माघ २ । जनकपुरधामका नामुद कर छलीकर्ता राजेश अग्रवाल कर छली गरेपनि खुलेआम घुम्दैछ भने नियमनकर्ता निकाय मौन भएर बसेका छन् । धनुषा जिल्लाको लक्ष्मीनिया गाउँपालिकामा रहेको कितवल कवारीको जग्गा उनले एक करोड १७ लाखमा खरिद गरेपनि उनले मात्रै ३० लाखमा रजिष्ट्रेसन पास गराएर करिव ७७ लाख बराबरको कर छली गरेका छन् । अग्रवालले खरिद गरेको सो जग्गा जनकपुरधाम उप–महानगरपालिका–४ निवासी धर्मेन्द्र साहले एक करोड ७ लाखमा बैना गरेपनि उनले मात्रै ३० लाखमो सो जग्गा पास गराएका हुन् । स्रोतका अनुसार अग्रवालले सो जग्गा १० लाख बढी गरि एक करोड १७ लाखमा खरिद गरेका हुन । यस आरोपमा कितवल कवारीका छोरा मुस्ताक राइनलाई प्रहरीले पक्राउ गरी पुर्पक्षकालागि थुनामा पनि राखेका छन् । तर, कर छलीकर्ता अग्रवाल भने निफिर्क भएर घुम्दै छ । उनमाथि नियमनकर्ता निकाय भने अहिले सम्म कुनै चासो लिएका छैनन् । धनुषा जिल्लामा अग्रवाल जस्ता धेरै भएपनि उनीहरुले कर छली गरेको यथेष्ट प्रमाण नभएकै कारण कर छली सम्वन्धी समाचारहरु बाहिर आएका थिएन् । तर, अग्रवालले बैना भएको कागज भन्दा कम रेटमा सो जमिन कसरी खरिद गरे ? जमिन बेच्नेलाई कसरी रकम दिइयो ? बैंकको माध्ययमले कि नगद ? यस्ता धेरै प्रश्नहरु छन् जसले अग्रवाल कर छली गरेको स्पष्ट हुन्छ । तर, नियमनकर्ता निकाय भने अहिले सम्म तादरुकता नदेखाउनु भनेको अग्रवालको प्रभावमा रहेको स्पष्ट हुन्छ । कितवल कवारीका एउटा छोरा मुस्ताक राईन प्रहरी हिरासतमा रहेपनि कवारी आफै र उनका अर्का छोरा सुभान राइन भने फरार रहेका छन् । तर,अग्रवाल खुलेआम जनकपुरधामको बजारमा घुमि रहेका छन् ।