अर्घाखाँची, असार २ । स्थानीय चुनावमा नेकपा एमालेको पक्षमा जनमत सिर्जना गर्ने कलाकारहरू सम्मानित भएका छन्। राष्ट्रिय जन सांस्कृतिक महासंघको घटक संगठन, राष्ट्रिय जनसंगीत कलाकार संघ, नेपालले आयोजना गरेको कार्यक्रममा पूर्वप्रधानमन्त्री तथा नेकपा एमालेका अध्यक्ष ओलीले कलाकारहरुलाई कदरपत्रद्धारा सम्मान गरेका हुन् ।
कार्यक्रमको अध्यक्षता बैकुण्ठ महत तथा प्रमुख अतिथि एमाले अध्यक्ष केपी ओली थिए । कार्यक्रममा कलाकारहरु सम्मानित हुने अबसर पाएका थिए ।
उक्त कार्यक्रममा कलाकार कोमल वली, बद्री पंगेनी, पूर्णकला बिसी लगायत अरु कलाकारहरु पनि सम्मानित भएका थिए । कलाकारिता क्षेत्रमा फड्को मार्दै अगाडि बढेका कलाकारहरु जनसांकृतिक महासंघका केन्द्रीय सदस्य तथा जिल्ला इन्चार्ज मोतिराज खनाल, गायक, संगितकार तथा रचनाकारको रुपमा सम्मानित भएका थिए । खनालले चुनावमा आयो एमाले छायो एमाले भन्ने गीत बजारमा ल्याएका थिए । गीत संगितको माध्यमबाट सहयोग पुर्याउने कलाकारहरुमा जन संगितका केन्द्रीय सदस्य चिरञ्जीवी अर्याल, जीवन परियार, गायक कुशल बेल्बासे, कमल सौराग, अभिनव चौहान, दर्पण यात्री, सुनितामी परियार, प्रदीप खड्का , सबिन खड्का, रेखा विश्वकर्मा लगायतका कलाकारलाई कार्यक्रमका सम्मान तथा प्रसंशा पत्र वितरण गरिएको थियो।
कार्यक्रममा राष्ट्रिय जन संगित कलाकार संघले कलाकारहरुलाई थप हौसला मिलेको बताए । यसरी भब्य कार्यक्रममा सम्मान गरेकोमा कलाकारहरुले आयोजकलार्इ धन्यवाद ज्ञापन गरेका थिए ।
तपाईको प्रतिक्रिया