गायक खनालको तीज गीत मामाघर सार्बजनिक (भिडियो सहित)

काठमाडौं, १ साउन । हिन्दुहरुको महान चाड हरितालिका तीज नजिकिदै गर्दा कलाकारहरुलाई पनि भ्याइ नभ्याइ छ ।

तिजका गीतहरु धमाधम आउने क्रममा गायक तथा सर्जक मोतिराज खनालले पनि तीजको गीत मामाघर गत हप्ता सार्बजनिक गरेका छन । बरिष्ट कलाकार चुमान काउछा मगरको लय तथा एरेन्ज रहेको गीतमा गायक मोतिराज खनालको शब्द रहेको छ । गायक खनालको स्वरमा साथ दिएका छन गायिका मिना काउछा मगर र बाल कलाकार सिवानी थापाले ।  गीतमा मोडल केशब पाण्डे र बाल कलाकार शिवानी थापा र बिनिता घर्तिको अभिनय रहेको छ ।

यस गितको मिक्सिङ रुबिन मगरले गरेका हुन भने म्युजिक भिडियो डाइरेक्सन चुमान काउछा मगरले गरेका छन गितको इडिटिङ गरब योनजनले गरेका छन । मौलिक बिषयहरु समेटेर बनाइएको गीतमा मामाघर जान नपाएको र आफ्नो आमालाई मामाघरमा लैजानु भनेर जिद्धि गरेकी बाल कलाकार शिवानी थापाको अभिनय देख्न सकिन्छ । माइतिघरमा दाजु भाउजुले खासै वास्था नगरेको र तीजमा पनि नबोलाएकोले आमाले छोरीको अनुरोधलाई अस्विकार गर्छिन अनि छोरीले आफ्ना बुवालाइ फोन गरेर जसरीपनि मामाघर लैजान आमालाई भन्दिनु भन्दै रुन्छिन अनि बुवाले छोरीको कुरा काट्न सक्दैनन र छोरीलाइ लिएर जाउ भन्छन ।

श्रीमानको आदेश भएपछी छोरीलाई लिएर माइत जान्छिन तर दाइ भाउजुले केहि वास्ता गर्दैनन उनिहरुले बुवा आमालाई पनि बृद्ध आश्रम लगेर छोडेका हुन्छन त्यो देखेर उनि भाब विह्वील हुन्छिन । बुवा आमालाइ बृद्ध आश्रमबाट छोरीले आफ्नो घरमा लगेको कारुणिक कथा समेटिएको मार्मिक तिजगीत हेर्दा आखा रसाउछन । गायक तथा सर्जक मोतिराज खनालले गीतबाट राम्रो प्रतिकृया आएको बताए । गायक खनालले दर्जनौ गीत बजारमा ल्याइसकेका छन । भिडियोको लागि https://www.youtube.com/watch?v=B_hLBYmfRB0&t=20s लिंकमा क्लिक गर्नुहोस ।